KILL-SWITCH MODUS NG ISANG TNC NAUNGKAT NG LCSP, ATTY. INTON NANGAKONG LALABANAN ANG BUMIBIKTIMA SA MGA POBRENG TSUPER

Matapos makarating sa kaalaman ng Lawyers for Commuters Safety and Protection(LCSP) kamakailan ang drive to own-Kill switch scheme, ay ibinahagi naman ngayon ni Atty. Ariel Inton, ang aniya’y mga kasapakat sa naturang modus.

Sabi ni Atty. Inton, Founder at Tagapangulo ng LCSP, batay sa salaysay ng mga biktima ng drive to own-kill switch scheme, kakuntsaba ng Transport network company(TNC) na kanilang kinabibilangan ang financing company. Ito rin daw ay nagpapakilalang abugado ng mga financing firms.

Sa paunang imbestigasyon ng LCSP, nabatid na paso na o expired na ang accreditation ng di pinangalanang TNC sa Land Transportation Franchising and Regulatory Board(LTFRB) at may nakabinbin na application for renewal of accreditation ito.

Dahil sa naturang di makatarungang estilo, ay haharangin umano ng mga TNC drivers ang aplikasyon sa LTFRB ng TNC, sa tulong ng LCSP.

Dagdag pa ni Inton, mapanlinlang ang come on scheme ng TNC dahil sa halagang P25,000 ay may sasakyan na, may TNVS pa ang kanilang mabibiktima.

Leave a Reply

Your email address will not be published. Required fields are marked *

Share via
Copy link
Powered by Social Snap